Bakı, 27 aprel — Sputnik. Formula-1 üzrə keçirilən Azərbaycan Qran-Prisinin ilk sərbəst yürüşü başa çatıb. Birinci sərbəst yürüşdə "Mercedes" komandasının pilotu Valtteri Bottas digər pilotları üstələyib. Sputnik Azərbaycan xəbər verir ki, pilot 1 dəqiqə 44,242 saniyəlik nəticə ilə bütün rəqiblərini qabaqlayıb.
"Red Bull Racing" komandasının sürücüsü Daniel Rikkiardo isə ikinci sırada qərarlaşıb.
Luis Hamilton ("Mercedes") sərbəst yürüşü üçüncü olaraq başa vurub.
Qeyd edək ki, saat 17:00-da ikinci sərbəst yürüş keçiriləcək.