BAKI, 19 aprel — Sputnik. Spil dağında yetişən Manisa laləsi havalarin isinməsi ilə çiçək açmağa başlayıb. Manisa laləsi xüsusi olaraq qorunur.
Sputnik Azərbaycan Türkiyə mətbuatına istinadən xəbər verir ki, hər il may ayının əvvəllərində açan lalələr bu il havalar tez isindiyi üçün 20 gün öncə çiçək açıb. Dağ ətəklərində bitən lalənin vəhşi atların ayaqları altında qalmaması üçün onların qorunmasına başlanılıb.
Eyni zamanda, insanlar bu çiçəkləri qoparsalar, buna görə cərimə ödəməli olacaqlar. Ötən il cərimə 42 min 479 lirə olub (20045 manat), bu il isə cərimə 48 min 625 lirəyə (22946 manat) yüksəlib.