BAKI, 18 aprel — Sputnik. Bu gün Türkiyə Hərbi Hava Qüvvələri İraqın şimalındakı PKK düşərgələrinə zərbələr endirib. Sputnik Azərbaycan Türkiyə mətbuatına istinadən xəbər verir ki, bu barədə Türkiyə Silahlı Qüvvələrinin (TSQ) Baş Qərargahı məlumat yayıb.
Açıqlamada bildirilir ki, Zap bölgəsində 18 aprel 2018-ci il tarixində keçirilən hava əməliyyatı nəticəsində terrorçular tərəfindən sığınacaq olaraq istifadə edilən 3 hədəf məhv edilib və 5 terrorçu zərərsizləşdirilib.