BAKI, 16 aprel — Sputnik. Azərbaycanın işğal altında olan Dağlıq Qarabağ bölgəsində erməni hərbi qulluqçusu həlak olub. İnsident Qarabağ münaqişə zonasının şimal istiqamətindəki hərbi hissələrdən birində baş verib.
Sputnik Ermənistan-ın məlumatına görə, Qarabağ münaqişəsi zonasının şimal istiqamətində yerləşən erməni hərbi hissələrindən birində, bazar günü yerli vaxtla saat 19.15-də həqiqi hərbi xidmətdə olan, 1998-ci il təvəllidlü Alek Karapetyan odlu silahdan açılan atəş nəticəsində yaralanıb. O, aldığı yaradan həlak olub.
Məlumata görə, əsgər hərbi hissədə baş verən insident zamanı odlu silahdan xəsarət alıb. Hadisənin təfərrüatı araşdırılır.