BAKI, 12 aprel — Sputnik. Bu gün Ümumdünya Aviasiya və Kosmonavtika Günüdür.
İlk olaraq SSRİ Ali Sovetinin 9 aprel 1962-ci il tarixli qərarı ilə 12 aprel Kosmonavtika günü kimi elan olunub. 1968-ci ildə isə BMT Ümumdünya Aviasiya və Kosmonavtika gününü təsis edib.
Sputnik Azərbaycan-ın məlumatına görə, bu günün keçirilməsinə səbəb 57 il əvvəl, 1961-ci il aprelin 12-də Yuri Qaqarinin bəşər tarixində ilk dəfə kosmosa uçması olub. Kosmonavtın uçuşu 108 dəqiqə davam edib. Qaqarin bununla kosmosun fəthi erasının əsasını qoyub.