BAKI, 11 aprel — Sputnik. Türkiyənin Bursa şəhərində qəribə hadisə baş verib. Belə ki, polis əməkdaşı olan kişi övladının sinifini dəyişdikləri üçün məktəbə basqın edib.
Sputnik Azərbaycan Türkiyə mediasına istinadən xəbər verir ki, o, məktəbin qadın direktoru ilə mübahisə edib. Mübahisə davaya çevrilib və valideyn İlhan Özcan xidməti silahını çıxararaq direktoru və onun köməkçisini ayağından güllələyib.
Yaralılar xəstəxanaya yerləşdiriliblər. İlhan Özcan polis tərəfindən saxlanılıb, amma bir neçə saat sonra azadlığa buraxılıb.
Hadisə şagirdlərin gözü önündə baş verib. Bu hadisə ilə əlaqədar məktəbdə tətil elan edilib. Valideynlər hadisəni törədən polisə qarşı etiraz ediblər.