BAKI, 9 aprel — Sputnik. İran Atom Enerji Təşkilatının sədri Əli Əkbər Salehi Qərbin nüvə müqaviləsindən çıxması halında 4 gündə uranı təkrar 20 faiz zənginləşdirə biləcəklərini deyib.
Sputnik Azərbaycan İranın "Tasnim" agentliyinə istinadla xəbər verir ki, Əli Əkbər Salehi ABŞ-ın nüvə müqaviləsindən çıxma ehtimalına qarşı tədbirlər gördüklərini bildirib: "İnqilab Mühafizəçilərindən veriləcək icazə ilə 4 gün içərisində uranı 20 faiz nisbətində yenidən zənginləşdirə bilərik. Uranın 4 gün içərisində belə bir nisbətdə zənginləşdirilməsi Amerika üçün çox ciddi bir mesajdır".
Əli Əkbər Salehi Qərbin İrandakı nüvə çalışmalarından xəbərdar olduqlarını və İranın hazırda hansı mərhələdə olduqlarını çox yaxşı bildiklərini deyib.