BAKI, 7 aprel — Sputnik. Kanadanın mərkəzi hissəsində gənc hokkeyçilərin olduğu avtobus qəzaya uğrayıb. Sputnik Azərbaycan “Globe and Mail”ə istinadla xəbər verir ki, qəza nəticəsində ən azı 14 nəfər ölüb.
Kanadanın Kral Jandarmeriyası bildirib ki, avtobusda 28 nəfər olub. Onlardan 14 nəfəri hadisə yerindəcə ölüb. Qalanları müxtəlif dərəcədə bədən xəsarətləri alıblar. 3 nəfərin vəziyyəti son dərəcədə ağırdır və onların sağ qalma ehtimalı çox azdır.
“Humboldt Broncos” hokkey klubunun gənclərdən ibarət komandası
© Photo : THE CANADIAN PRESS
“Humboldt Broncos” hokkey klubunun gənclərdən ibarət komandasını daşıyan avtobus aprelin 6-da axşam Saskaçevan əyalətindəki yollardan birində qəzaya uğrayıb. Hüquq-mühafizə orqanları qəzanın səbəbini müəyyən etmək üçün bütün resursları işə salıb.