Məşhur müğənni villasını 15 milyon dollara satışa çıxardı

BAKI, 4 aprel — Sputnik. İki ildir İzmirdə yaşayan məşhur müğənni İbrahim Tatlısəs İstanbulda yerləşən daşınmaz əmlakını satışa çıxarıb.

Sputnik Azərbaycan Türkiyə mətbuatına istinadən xəbər verir ki, sənətçi çox sevdiyi İzmir şəhərində yaşamaq üçün İstanbulla olan bağlılığı qırmaq qərarına gəlib. Məhz buna görə də İstanbulda olan bütün mülklərini satışa çıxarıb. Tatlısəs İstanbuldakı mülkünü 15 milyon dollar satışa çıxarıb.

İbrahim Tatlısəs satışdan götürdüyü pula İzmirdə hotel açıb turizmlə məşğul olacaq.