BAKI, 30 mart — Sputnik. Müdafiə nazirinin təsdiq etdiyi 2018-cı il üçün döyüş hazırlığı planına uyğun olaraq Raket və Artilleriya birləşmələrinin və bölmələrinin döyüş vərdişlərinin təkmilləşdirilməsi məqsədilə cəbhə bölgəsindəki bütün ümumqoşun poliqonlarında keçirilən təlimləri davam edir.
Müdafiə Nazirliyindən Sputnik Azərbaycan-a verilən məlumata görə, təlimlər zamanı iştirak edən bölmələrin yürüş imkanları, eləcə də onların cəmləşmə rayonlarına çıxarılması, start və atəş mövqelərinin vaxtında və düzgün tutmaları yoxlanılıb.
Bu mərhələdə əsas diqqət qoşunların dayanıqlı, gizlin və operativ idarə olunmasına yönəldilib.