BAKI, 30 mart — Sputnik. "Xarici işlər naziri Elmar Məmmədyarov istefaya getməlidir". Sputnik Azərbaycan xəbər verir ki, bunu millət vəkili Fəzail Ağamalı parlamentin xüsusi iclasında çıxışı zamanı bildirib.
O, E.Məmmədyarovu öz işinin öhdəsindən gələ bilməməkdə, Qarabağ danışıqlarında uğurlu nəticə əldə edə bilməməkdə ittiham edib.
Milli Məclisin sədri Oqtay Əsədov isə deputata belə cavab verib: "Ana Vətən Partiyasının sədri niyə xarici işlər nazirindən yapışır? Prezidentliyə namizəd də, siz də xarici işlər nazirinin fəaliyyətini müzakirə edirsiniz".