BAKI, 21 mart — Sputnik. ABŞ-ın Corciya ştatının sahillərində dinozavrların dövründə mövcud olmuş pleziozavra bənzəyən dəniz canlısı aşkar edilib. Sputnik Azərbaycan bu barədə The Daily Mail-ə istinadən xəbər verir.
Məlumata əsasən, ABŞ vətəndaşı Ceff Uorren oğlu ilə birlikdə qayıqla gəzərkən qeyri-adi sahildə dəniz canlısının cəsədinə rast gəlib.
Ceff Uorrenin sözlərinə görə, canlı Loxness bədheybətinə və pleziozavra çox oxşayır. Onun uzun boynu, balaça kəlləsi var.
ABŞ-ın Balıq resursları və vəhşi heyvanların mühafizəsi xidmətinin şefi Den Eş isə bildirib ki, hərdən köpək balığının leşi pleziozavr kimi qəbul edilir.