BAKI, 20 mart — Sputnik. Dünən axşam 22.30 radələrində Şəkinin Küngüt kəndi ərazisində ağır avtomobil qəzası baş verib.
Hüquq-mühafizə orqanlarından Sputnik Azərbaycan-a verilən məlumata görə, qəza zamanı avtomobil ağaca çırpılıb. Qəzaya yüksək sürət səbəb olub. Qəza zamanı avtomobildə olan 5 nəfərdən ikisi yerindəcə ölüb. Üçü isə Rayon Mərkəzi Xəstəxanasına aparılıb.
Məlumata görə, qəzada Adəm Adıgözəlov və Murad Həşimov ölüb. 1966-cı il təvəllüdlü Adamov Yalçın Rəsul oğlu, 1989-cu il təvəllüdlü Cəmilov Pərviz Rizvan oğlu və 1982-ci il təvəllüdlü Mustafayev Allahverdi Vilayət oğlu isə xəsarət alıblar.