BAKI, 19 mart — Sputnik. Amerika Birləşmiş Ştatları İranla altılıq ölkələri arasında imzalanan nüvə sazişindən çıxacaq. Sputnik Azərbaycan "The Guardian"a istinadən xəbər verir ki, bunu Respublikaçı senator Bob Corker deyib.
Senator bildirib ki, prezident Donald Tramp may ayında uzadılması nəzərdə tutulan sazişi bu dəfə uzatmayacaq və müqavilədən çəkiləcəyini açıqlayacaq.
"Tehranla razılaşdırılan və imzalanan saziş çox uğursuzdur. ABŞ bu işə lap öncədən əl qoymamalı idi. Ancaq təəssüf ki, bu baş verdi. Ziyanın yarısından dönmək də uğurdur" – Bob Corker qeyd edib.