BAKI, 19 mart — Sputnik. Rusiya prezidenti Vladimir Putin prezident seçkilərində rəqibi olmuş şəxsləri dialoqa çağırıb.
Sputnik Azərbaycan “RİA Novosti”yə istinadən xəbər verir ki, o, prezidentliyə namizəd olmuş şəxslərlə görüş zamanı bildirib ki, gündəlikdə olan yaxşı işlərin reallaşdırılması və ölkənin qarşılaşdığı çağırışların qarşısının alınması üçün bütün siyasi partiyaların və təşkilatların birləşməsi vacibdir.
“Bu hər zaman asan olmur. Bununla belə ölkənin uzunmüddətli milli maraqları üçün açıq və dürüst dialoqa ümid edirəm” — deyə Putin vurğulayıb.