BAKI, 18 mart — Sputnik. Rusiya Federasiyası Kommunist Partiyasının namizədi Pavel Qrudinin bu gün keçirilən prezident seçkilərində məntəqə komissiyalarının 35%-nin protokolları işləndikdən sonra 14,42% səs toplayıb. Bu göstərici ilə o ikinci yerdədir. Birinci yerdə isə seçicilərin 73,73%-nin səsini toplamış hazırkı dövlət başçısı Vladimir Putin gedir.
Rusiyada keçirilən budəfəki prezident seçkilərində səkkiz namizəd iştirak edir — Vladimir Putin, Pavel Qrudinin, Vladimir Jirinovski, Kseniya Sobçak, Qriqori Yavlinski, Maksim Suraykin, Boris Titov və Sergey Baburin.