BAKI, 16 mart — Sputnik. Xəbər verdiyimiz kimi, bu gün saat 12:55-də Bakı metrosunun "İçərişəhər" stansiyasında bir sərnişin qatar yoluna (relslərin üstünə) yıxılıb. Sonradan onun kimliyi məlum olub.
"Bakı Metropoliteni" QSC-nin mətbuat xidmətinin rəhbəri Nəsimi Paşayevin Sputnik Azərbaycan-a verdiyi məlumata görə, yıxılan qadın — 85 yaşlı Məmmədova Sürayyə Söhbət qızıdır. O, "İçərişəhər" stansiyasında qatar dayananda birinci vaqonun birinci qapısından düşüb.
"Sola dönüb stansiyadan çıxmaq əvəzinə sağa dönərək qatarın qabağından relslərin üstünə yıxılıb. Gərginliyi çıxarıb xanımı stansiya yolundan çıxarıb əməkdaşlarımız. Görünüşdə ciddi xəsarət müşahidə edilməsə də, təcili tibi yardıb çağrılıb" — N.Paşayev bildirib.
Onun sözlərinə görə, hadisə ilə bağlı xətdə ümumilikdə 3 dəqiqə gecikmə yaranıb.