BAKI, 13 mart — Sputnik. Bakının Ziya Bünyadov prospektinin Nərimanov rayonu ərazisinə düşən hissəsində "AzSamand" markalı minik avtomobili yanıb.
“Report” xəbər verir ki, yanğın taksi fəaliyyəti ilə məşğul olan "10-TD-109" dövlət qeydiyyat nişanlı maşının mühərrik hissəsində qəfil alışma nəticəsində baş verib.
Əraziyə FHN-in Yanğın Mühafizə Xidmətinin əməkdaşları cəlb edilib. Alovun avtomobilin benzin çəni hissəsinə keçməsinin qarşısı alınıb. Avtomobil tamamilə yararsız vəziyyətə düşüb. Xəsarət alan olmayıb.
Hadisə nəticəsində yolda sıxlıq yaranıb.