BAKI, 11 mart — Sputnik. Qazaxda 2 nəfər suda boğulub.
Sputnik Azərbaycan "Report"a istinadən məlumat verir ki, onlar Böyük Cəfərli kəndi ərazisindəki Didvan gölündə batıblar.
Batan şəxslər 35-38 yaşlı Ömərov Adil və Mustafayev Elşəndir.
Həmin şəxslərin balıqçı olduqları bildirilir. İlkin məlumata görə, balıqçıların olduğu qayıq aşıb.
Həmin şəxslərin axtarışları Fövqəladə Hallar Nazirliyinin xilasetmə qüvvələri tərəfindən davam etdirilir.