BAKI, 7 mart — Sputnik. Türkiyənin prezident respublikası üsul-idarəsinə keçməsi ilə 2019-cu ildə baş nazir postu ləğv ediləcək.
Sputnik Azərbaycan "Yeni Şafak"a istinadla xəbər verir ki, ən mühüm mövzular arasında baş nazir ifadəsinin həm qanunlardan, həm də Türkiyə Böyük Millət Məclisinin daxili nizamnaməsi çıxarılmasıdır. Həmçinin, bəzi komissiyalar ləğv edilərək yerinə yeni sistemə müvafiq komissiyalar yaradılacaq.
Bundan başqa, Türkiyə parlamentində deputatların sayı 550-dən 600-dək artırılacaq.
Xatırladaq ki, 2017-ci ilin aprelində Türkiyə konstitusiyasına dəyişikliklər haqqında referendum keçirilib.