BAKI, 7 mart — Sputnik. ABŞ-ın "Exxon Mobil" neft şirkətinə aid tədqiqat gəmilərinin qısa müddət ərzində Aralıq dənizində yerləşməsi və qazma işlərinə başlaması gözlənilir.
Sputnik Azərbaycan "Haberler"ə istinadla xəbər verir ki, həmin gəmiləri ABŞ dəniz qüvvələrinə bağlı altıncı donanmanın qoruyacağı iddia edilib. Ancaq sözügedən iddia hələlik rəsmi orqanlar tərəfindən təsdiqlənmiş deyil.
Yunanların Kipr sahillərində tək tərəfli qazma cəhdləri Türkiyə tərəfinin reaksiyasını doğurur. Türkiyə döyüş gəmiləri ötən ay İtalyanların enerji nəhəngi "Eni"nin qazma gəmilərini dayandırmışdı.