Türkmənçay sülh müqaviləsi İkinci Rusiya-Qacarlar müharibəsi nəticəsində 1828-ci il fevralın 10-da (yeni təqvimlə 22-də) Rusiya ilə Qacarlar dövləti arasında Təbriz yaxınlığındakı Türkmənçay kəndində bağlanıb.
Bu müqavilə Rusiya və Qacarlar dövləti arasında Araz çayı boyunca yeni sərhədin qurulmasını özündə ehtiva edirdi.
Müqavilənin şərtlərinə əsasən, Azərbaycanın İrəvan və Naxçıvan xanlıqları Rusiya imperiyasının tərkibinə qatılıblar.
Müqavilə Oktyabr Sosialist inqilabınadək Rusiya-İran münasibətlərinin əsasını təşkil edib.