BAKI, 5 fevral — Sputnik. "Bir həftədən çxodur ki, Bayıl sürüşmə zonasında vəziyyət stabildir. Aktivlik qeydə alınmayıb".
Bu sözləri Sputnik Azərbaycan-a açıqlamasında Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov deyib. O bildirib ki, ərazidən götürülən nümunələrin laborator analizlərinin nəticələri bu həftənin sonu məlum olacaq.
"Nəticələrin müəyyən edilməsi tez bir zamanda başa gələn proses olmadığı üçün bir qədər gözləməli olacağıq", — deyə Qaralov bildirib.
Onun sözlərinə görə, hazırda ərazi digər dövlət qurumlarının da nəzarəti altındadır: "Əlavə dəyişikliklər müəyyən edildiyi zaman məlumat veriləcək".