BAKI, 5 fevral — Sputnik. "Akkord" Şirkətlər Qrupunun inşa etdiyi Abşeron Gənclər Şəhərciyində (AGŞ) partlayış baş verib. Bu barədə Sputnik Azərbaycan-a şəhərcikdə yaşayan sakinlər məlumat veriblər.
AGŞ-in komendantlığından əldə etdiyimiz məlumata görə, partlayış şəhərciyin 11 mərtəbəli yaşayış binasının 32-ci blokunun 6-cı mərtəbəsində baş verib. Hadisəyə qaz sızmasının səbəb olduğu bildirilir.
Partlayış nəticəsində partlayış baş verən evə və həyətdəki maşınlara ziyan dəyib. Xoşbəxtlikdən hadisə zamanı xəsarət alan olmayıb.