Ramil Osmanlı: “İpoteka kreditlərində limit aradan qaldırılıb”
“İpoteka kreditlərinin verilmə şərtlərindəki dəyişikliklər əmlak bazarına da təsir edəcək”. Bunu Sputnik Azərbaycan-a açıqlamasında Daşınmaz Əmlak Ekspert Mərkəzinin direktoru Ramil Osmanlı deyib.
“Burada əsas diqqət çəkən məqam kreditlərin miqdarına olan limitlərin aradan qaldırılmasıdır. Həmçinin ipoteka kreditlərində faiz dərəcələrinin aşağı salınmasında əhəmiyyətli məqamlar var. Bu, ümumilikdə ipoteka kreditlərinə əlçatanlığa müsbət təsir göstərəcək”, — deyə o bildirib.