BAKI, 31 yanvar — Sputnik. "1937-ci il repressiyalarının qurbanları təkcə siyasi aktivistlər deyil, həm də məhkumlar idi". Bunu Sputnik Azərbaycan Multimedia Mətbuat Mərkəzində təşkil edilmiş tədbirdə Azərbaycan İnsan Hüquqları Mərkəzinin direktoru Eldar Zeynalov deyib.
Onun sözlərinə görə, Azərbaycanda bu qurbanların böyük hissəsini kulaklar və imkanlı şəxslər təşkil edirdi: "Əslində 5250 nəfər sürgün olunmalı idi. Onların 1500-ü güllələnmişdi. Məsələn, Şamaxı regionunun limiti 5 dəfə aşılmışdı".
"Yanvarın 1-də bu əməliyyat bitməli idi. Lakin daha 3 ay bu əməliyyat davam etdirildi və güllələmək üçün olan limit 2000 nəfərə qaldırıldı. Bu limit Gürcüstanda 1500, Ermənistanda isə 1000 nəfər idi", — E.Zeynalov bildirib.