BAKI, 31 yanvar — Sputnik. Son günlər yerli mətbuatda "Alov qüllələri" binalar kompleksi yerləşən ərazidə sürüşmə təhlükəsi olması ilə bağlı məlumatlar yer alıb. Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov Sputnik Azərbaycan-a açıqlamasında bildirib ki, "Alov qüllələri"nin sürüşmə ehtimalı yoxdur, bu kompleks xüsusi layihə ilə tikilib.
Qaralovun sözlərinə görə, "Alov qüllələri" binalar kompleksi Bayıl yamacındakı sürüşmə sahəsindən kənardadır və kompleksdəki binaların tikintisi zamanı çox dərin qatlara müvafiq daşlardan laylar vurulub.
Qaralov, həmçinin qeyd edib ki, hazırda Bayıl yamacında da vəziyyət sabitdir.