BAKI, 26 yanvar — Sputnik. Sonuncu dəfə çəkdiyi "Vəzir barmağı" filmində gözlənilən reytinqi toplaya bilməyən aktyor-rejissor və müğənni Mahsun Kırmızıgül yenidən ekranlara qayıdır.
Sputnik Azərbaycan"Milliyet"ə istinadən xəbər verir ki, Mahsun aktrisa Nurgül Yeşilçayla birlikdə seriala çəkiləcək. 1982-ci ildə lentə alınmış "Gülsüm Ana" filmindən təsirlənərək çəkilən serialın yayımlanacağı tarix isə hələlik açıqlanmayıb.
Mahsun Kırmızıgül sonuncu dəfə serialda 2005-ci ildə çəkilib. "Aşka Sürgün" adlanan serial Azərbaycanda da izlənmə rekordları qırmışdı.