BAKI, 25 yanvar — Sputnik. Bu il Rusiyadan Türkiyəyə gedən turist sayı ötən ilkinə nisbətən 4 dəfə çox ola bilər. Bu barədə Rusiya Tur Operatorları İttifaqından məlumat verilib.
"Bu il erkən rezervasiya edənlərin sayı ötən ildəkindən 4 dəfə artıqdır. Hələ indiyə qədər belə şey olmamışdı. Bu, rekord deməkdir. Ruslar Türkiyəni, xüsusilə Antalyanı çox sevirlər. Ona görə də,aylar öncəsindən otellərdə yer tuturlar" – RTOİ-dən bildirilib.
Sputnik Türkiyə xəbər verir ki, ölkənin tanınmış "NTK İntourist", "Biblio-Globus" kimi iri tur operator şirkətləri də Türkiyəyə rezervasiya edənlərin sayının 2017-ci ilə nisbətən 4-5 dəfə çox olduğunu qeyd ediblər.