BAKI, 19 yanvar — Sputnik. Türkiyə Silahlı Qüvvələrinin Afrinə gözlənilən hərbi əməliyyatı ərəfəsində Rusiya hərbçiləri Afrindən çəkilməyə başlayıb.
Sputnik Azərbaycan "Haberler"ə istinadla xəbər verir ki, Rusiya hərbçiləri bölgədən qrup halında ayrılırlar. Afrindın çıxan rus hərbçiləri Bəşər Əsəd rejiminin nəzarətindəki Nubul və Zəhra bölgələrinə keçir.
Qeyd edək ki, dünən Türkiyə Silahlı Qüvvələri Baş Qərargahının rəisi Hulusi Akar və MİT sədri Hakan Fidan Rusiyaya səfəri zamanı Suriyadakı son vəziyyəti, habelə bölgədə təhlükəsizlik məsələlərini müzakirə ediblər.