BAKI, 16 yanvar — Sputnik. Amerika Birləşmiş Ştatları gizli razılıq əsasında Suriyanın şimalındakı PYD terrorçularına havadan müdafiə raketləri (MANPAD) verib. Sputnik Türkiyə bu barədə suriyalı müxalif mənbələrə istinadən xəbər verir.
Məlumata görə, həmin raketlər PYD terrorçularını türk ordusunun hərbi əməliyyatından qorumaq üçün ötürülüb.
Sözügedən raket müdafiə sistemləri ötən həftə Afrindəki terrorçulara təhvil verilib.
Qeyd edək ki, PKK terror təşkilatının Suriyanın şimalındakı qolu olan PYD keçən ay ABŞ-dan MANPAD raketləri istəmişdi.