BAKI, 15 yanvar — Sputnik. Liviyanın paytaxtı Tripolidə yerləşən Mitiqa hava limanında silahlı insident yaşanıb. Sputnik Azərbaycan "Reuters"ə istinadən xəbər verir ki, atışma Milli Həmrəylik Hökumətinə bağlı əsgərlərlə Milli Qurtuluş Hökuməti tərəfdarları arasında baş verib.
Hava limanını ələ keçirmək istəyən Milli Qurtuluş Hökumətinin tərəfdarları ilə bölgəni mühafizə edən “Kuvvatur-Radı” silahlı qruplaşması arasında atışma hələ də davam edir.
Hadisə səbəbilə hava limanında uçuşlar dayandırılıb, sərnişinlər və işçilər evakuasiya edilib.