BAKI, 14 yanvar — Sputnik. Bazar günü Bakıda iki böyük zəncirvari qəza baş verib. Sputnik Azərbaycan-ın məlumatına görə, Ziya Bünyadov prospekti ilə Atatürk prospektinin kəsişməsindəki körpünün üzərində bir neçə avtomobil toqquşub.
Şahidlər bildirilər ki, yol-nəqliyyat hadisəsində yolun hər iki istiqamətindən gələn avtomobillər toqquşub. Bir tərəfdən ən azı 5-6, digər tərəfdən isə 2-3 maşın bir-birinə dəyib. Hadisə nəticəsində yolda müvəqqəti tıxac yaranıb.
Hələlik yaralılar barədə məlumat yoxdur.