BAKI, 11 yanvar — Sputnik. “Brent” markalı neftin qiyməti 2014-cü ilin dekabr ayından bu yana ilk dəfə olaraq 70 dollara çatıb.
Sputnik Azərbaycan-ın verdiyi məlumata görə, “Brent”in mart fyuçerslərinin qiyməti 83 sent artaraq bir barel üçün 70,03 dollara çatıb. Bu, gün ərzində qiymətin 0,84 faiz artımı deməkdir. Bir qədər sonra qiymət yenidən 69,79 dollara kimi ucuzlaşıb.
Nyu-Yorkun NYMEX birjasında WTI markalı yüngül neftin fevral fyuçerslərinin qiyməti 1,02 dollar artaraq bir barel üçün 64,59 dollar təşkil edib.