Купюра номиналом в 200 AZN, фото из архива - Sputnik Azərbaycan, 1920
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

İran və Aİİ arasında azad ticarət zonası haqqında saziş bu il həyata keçiriləcək

© Sputnik / Александр ГальперинЕАЭС
ЕАЭС  - Sputnik Azərbaycan, 1920, 04.02.2025
Abunə olmaq
İranın Moskvadakı səfiri deyib ki, İranla Rusiya arasında əməkdaşlığın ən mühüm sahələrindən biri Aİİ çərçivəsində əməkdaşlıqdır.
BAKI, 4 fevral — Sputnik. İran ilə Avrasiya İqtisadi İttifaqı (Aİİ) arasında azad ticarət zonası haqqında saziş 2025-ci ildə həyata keçiriləcək və bundan sonra bütün malların 87%-i vergilərdən azad ediləcək. Bunu İranın Moskvadakı səfiri Kazem Cəlali jurnalistlərə deyib.

"İranla Rusiya arasında əməkdaşlığın ən mühüm istiqamətlərindən biri Avrasiya İqtisadi İttifaqı çərçivəsində əməkdaşlıqdır. 2024-cü ildə ittifaq çərçivəsində böyük addım atılıb - aprel ayında İran Aİİ-də müşahidəçi olub", - səfir bildirib.

© Sputnik / Максим Блинов / Mediabanka keçidİranın Rusiyadakı səfiri Kazem Cəlali
İranın Rusiyadakı səfiri Kazem Cəlali  - Sputnik Azərbaycan, 1920, 04.02.2025
İranın Rusiyadakı səfiri Kazem Cəlali
Diplomatın sözlərinə görə, İran və Aİİ arasında azad ticarət sazişi üzv olan bütün ölkələrin parlamentləri tərəfindən ratifikasiya edilib.

"Bu sazişin ratifikasiyası və icrasından sonra ticarətimizdəki bütün malların 87%-i vergilərdən və rüsumlardan azad ediləcək. Bu, ticarət sahəsində böyük irəliləyiş olacaq", - Cəlali bildirib.

Səfir qeyd edib ki, İran və Rusiya Şanxay Əməkdaşlıq Təşkilatı (ŞƏT) çərçivəsində yaxşı əməkdaşlıq edir.
"Bu il təşviq edəcəyimiz müəyyən planlarımız var", - diplomat fikrini yekunlaşdırıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0