Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Özbəkistan və Azərbaycan daha bir yeniliyə imza ata bilərlər

© Sputnik / Murad OrujovŞəxsiyyət vəsiqəsi
Şəxsiyyət vəsiqəsi - Sputnik Azərbaycan, 1920, 01.02.2025
Abunə olmaq
Xüsusilə, belə səfərlərin rahatlığı hər iki ölkənin vətəndaşlarına xarici pasport almadan sərhədi keçməyə imkan verəcək.
BAKI, 1 fevral — Sputnik. Özbəkistan və Azərbaycanın müvafiq idarələri iki ölkə vətəndaşlarının daxili şəxsiyyət vəsiqələrindən istifadə etməklə qarşılıqlı səfərləri prosedurunun tətbiqi ilə bağlı danışıqlar aparır. Bu barədə Özbəkistan Xarici İşlər Nazirliyinin "Dunyo" xəbər agentliyi xəbər verir.

"Danışıqlar çərçivəsində hər iki ölkənin Xarici İşlər Nazirliyinin konsulluq və hüquq idarələrinin əməkdaşlarının iştirakı ilə biometrik şəxsiyyət vəsiqələrinin Özbəkistan və Azərbaycan sərhədlərini keçmək üçün sənəd kimi tanınması imkanları müzakirə edilib", - məlumatda deyilir.

Məlumatda qeyd olunur ki, bu addım vətəndaşların gediş-gəlişini sadələşdirəcək, ikitərəfli əlaqələri gücləndirəcək və miqrasiya siyasəti sahəsində əməkdaşlığı genişləndirəcək. Xüsusilə, belə səfərlərin rahatlığı hər iki ölkənin vətəndaşlarına xarici pasport almadan sərhədi keçməyə imkan verəcək.
Hazırda Özbəkistanla Azərbaycan arasında vizasız rejim mövcuddur, lakin iki ölkə vətəndaşları sərhədi yalnız xarici pasportla keçə bilərlər.
© Sputnik / Murad OrujovAzərbaycan və Özbəkistan bayraqları
Флаги Азербайджана и Узбекистана - Sputnik Azərbaycan, 1920, 01.02.2025
Azərbaycan və Özbəkistan bayraqları
2023-cü il sentyabrın 1-dən Özbəkistan və Qırğızıstan vətəndaşları ümumi şəxsiyyət vəsiqəsi ilə ölkələr arasında sərhədi keçə bilərlər. Özbəkistan tərəfi Qazaxıstanla da analoji şərtləri müzakirə edir.
Ötən ilin dekabrında Özbəkistan Prezidenti Şavkat Mirziyoyev Ali Avrasiya İqtisadi Şurasının (AİİŞ) iclasında bildirmişdi ki, turizmi təşviq etmək üçün respublika Aİİ ölkələri vətəndaşlarının ölkədaxili sənədlərdən istifadə etməklə ölkəyə girişi prosedurunu tətbiq etmək niyyətindədir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0