CƏMİYYƏT
Cəmiyyətin həyatında baş verən aktual hadisələr

Gənclər işlərini niyə tez-tez dəyişirlər?

© Depositphotos.com / AndreyPopov ofis
ofis - Sputnik Azərbaycan, 1920, 31.01.2025
Abunə olmaq
Ekspertin fikrincə, bu cür kadr dəyişikliyi işəgötürənlər üçün qeyri-sabitlik və komandaya çətinlik yaradır.
BAKI, 31 yanvar — Sputnik. Çox vaxt məhz gənclər özlərini tapmağa yönəldikləri üçün tez-tez iş dəyişikliyinə meylli olurlar.
Belə ki, gənclər öz qabiliyyətlərindən tam istifadə edə biləcəkləri və şəxsiyyət kimi inkişaf edə biləcəkləri sahə tapmağa çalışırlar.
Bu barədə böhran psixoloqu Anqelina Surina "Life.ru" saytına müsahibəsində məlumat verib.
Mütəxəssis onu da qeyd edib ki, digər səbəb rahatlıq tapmaq istəyidir. Gənclər üçün işin maliyyə sabitliyini təmin etməsi, əlverişli yerdə olması və ətrafın xoş olması vacibdir.
"Çünki hazırda, özünü seçməyi təşviq edən, suallar verməyə kömək edən "Mən-konsepsiya" və ya "Mən-psixologiya" məşhurdur: mən nə istəyirəm, cəmiyyətə nə verə bilərəm?" – ekspert izah edib.
Psixoloq deyir ki, insanlar xoşbəxtliyi və həyatdakı yerlərini belə tapırlar. Gənclər özlərini ifadə edə biləcəkləri və faydalı ola biləcəkləri bir fəaliyyət tapsalar, tanınır və bəyənilirlər.
Mütəxəssis izah edib ki, gənclər üçün özünü həyatda tapmaq, cəmiyyət və yaxınları tərəfindən tanınmaq və bəyənilmək istəyi vacibdir. Bu, bir növ sosiallaşmadır, lakin o, qurban verməyi, məsələn, "lazım olduğu üçün" və ya "kimsə belə dediyi üçün" sevilməyən bir vəzifədə işləməyi nəzərdə tutmur. Surinanın fikrincə, bu köhnəlmiş yanaşmadır və bu gün insanlar həqiqətən nəyi bəyəndiklərini öyrənmək üçün işlərini dəyişirlər.
Lakin ekspertin fikrincə, bu cür kadr dəyişikliyi işəgötürənlər üçün qeyri-sabitlik və komandaya çətinlik yaradır. Amma müsbət tərəfi də var: əgər müdir həvəslə, maraqla işləyən adam tapırsa, bu, uzunmüddətli əməkdaşlığı təmin edir.
Psixoloqun sözlərinə görə, bu proses ələk kimidir. Bu, sadəcə həvəssiz işçi deyil, şirkətin böyüməsinə töhfə verəcək, işləməyə həvəsli və kömək edəcək birini tapmağa imkan verir.
Daha əvvəl qadcetlərin uşaqların söz ehtiyatına mənfi təsir göstərə biləcəyi barədə məlumat verilmişdi.
Xəbər lenti
0