Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Rusiya Azərbaycanla Ermənistan arasında sərhədin delimitasiyasında irəliləyişi alqışlayır

© Sputnik / Виктор Толочко / Mediabanka keçidRusiya Federasiyası Baş nazirinin müavini Aleksey Overçuk
Rusiya Federasiyası Baş nazirinin müavini Aleksey Overçuk - Sputnik Azərbaycan, 1920, 29.01.2025
Abunə olmaq
Rusiya baş nazirinin müavininin sözlərinə görə, Moskva bu cür təmasları və birgə işi həmişə alqışlayıb, çünki bu, regionda sabitliyə töhfə verəcək.
BAKI, 29 yanvar - Sputnik. Rusiya Ermənistanla Azərbaycan arasında sərhədin delimitasiyası və demarkasiyası üzrə irəliləyişi alqışlayır. Bu barədə Rusiya baş nazirinin müavini Aleksey Overçuk Bakı və İrəvan arasında iki ölkənin sərhədlərinin cənub istiqamətində Gürcüstanla qovşağından ərazidə bu prosesin davam etdirilməsinə başlamaq haqqında razılaşmaları şərh edərkən bildirib.

“Çox böyük, yaxşı irəliləyiş əldə olunub, sərhədin bir hissəsi delimitasiya və demarkasiya olunub. İndi onlar (tərəflər - red.) razılaşıblar... şimaldan cənuba, Azərbaycan, Ermənistan və Gürcüstan sərhədlərinin qovşağından keçib, aşağı enəcəklər”, - o, jurnalistlərə açıqlamasında deyib.

Overçuk əlavə edib ki, Moskva bu cür təmasları və birgə işi həmişə alqışlayıb, çünki bu, regionda sabitliyə töhfə verəcək. O, Rusiya, Azərbaycan və Ermənistandan ibarət üçtərəfli qrupun regiondakı vəziyyətin həlli istiqamətində gördüyü işlərə toxunaraq bildirib ki, hazırda ikitərəfli formatda təmasların dayandırılması ilə bağlı heç bir rəsmi qərar qəbul edilməyib.
“Biz bu mövzuda vaxtaşırı ünsiyyət qururuq, amma üçtərəfli formatda deyil, necə deyərlər, təkbətək”, - Overçuk deyib.
Baş nazirin müavini qeyd edib ki, onun Ermənistan və Azərbaycandan olan həmkarları Mher QriqoryanŞahin Mustafayev arasında “çox yaxşı işgüzar əlaqə” yaradılıb.

“Bu, artıq bu işçi qrupunun nəticəsi olaraq əldə edilmiş çox böyük nəticədir. Bildiyimizə görə, bu, hazırda bu ölkələr arasında mövcud olan yeganə əlaqədir. Nəzərə alsaq ki, onlar arasında hələ diplomatik münasibətlər yoxdur, sülh müqaviləsi də imzalanmayıb”, - Overçuk əlavə edib.

Overçuk həmçinin qeyd edib ki, o, Ermənistan və Azərbaycandan olan həmkarları arasında sərhədlərin demarkasiyası və delimitasiyası məsələlərində müntəzəm təmaslardan xəbərdardır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Sərhədçilər, arxiv - Sputnik Azərbaycan, 1920, 16.01.2025
Azərbaycan-Ermənistan sərhədində vəziyyət
Azərbaycanla Ermənistan Gürcüstandan İranadək sərhədin delimitasiyası haqda razılığa gəlib
Xəbər lenti
0