Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Rusiya-Hidistan əməkdaşlığı çoxqütblü dünya nizamının formalaşmasına uyğundur - Putin

© Sputnik / Сергей БобылевRusiya prezidenti Vladimir Putin və Hindistanın baş naziri Narendra Modi
Rusiya prezidenti Vladimir Putin və Hindistanın baş naziri Narendra Modi - Sputnik Azərbaycan, 1920, 26.01.2025
Abunə olmaq
Rusiya lideri Hindistanın Milli Günündə ikitərəfli əməkdaşlığın birgə genişləndiriləcəyini vurğulayıb.
BAKI, 26 yanvar - Sputnik. Rusiya Prezidenti Vladimir Putin Hindistanın milli bayramı – Respublika Günü münasibətilə prezident Draupadi Murmu və baş nazir Narendra Modiyə təbrik teleqramı göndərib. Təbrikin mətni Kremlin saytında dərc olunub.
Rusiya lideri birgə səylərlə ölkələr arasında bütün sahələrdə səmərəli ikitərəfli əməkdaşlıq quracağını qeyd edib.

“Rusiya-Hindistan münasibətləri xüsusilə imtiyazlı strateji tərəfdaşlıq ilə xarakterizə olunur. Əminəm ki, birgə səylərimizlə biz bütün sahələrdə səmərəli ikitərəfli əməkdaşlığı, o cümlədən beynəlxalq məsələlərdə konstruktiv qarşılıqlı fəaliyyəti ardıcıl surətdə inkişaf etdirəcəyik. Bu, şübhəsiz ki, dost xalqlarımızın fundamental maraqlarına cavab verir və ədalətli çoxqütblü dünya nizamının formalaşmasına uyğundur”, - teleqramda deyilir.

Putin onu da əlavə edib ki, 75 il əvvəl qüvvəyə minən Hindistan konstitusiyası effektiv dövlət institutlarının qurulması və ölkənin azad demokratik inkişafının əsasını qoyub.
Rusiya prezidenti qeyd edib ki, o vaxtdan bəri Hindistan sosial-iqtisadi, elmi-texniki və digər sahələrdə ümumən tanınan uğurlara imza atıb və “dünya səhnəsində layiqli nüfuz qazanıb”.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0