Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Rusiya Rövşən Əsgərovun adını terrorçu və ekstremistlər siyahısına salıb

© Photo : Social media page of Rovshan AskerovРовшан Аскеров: мне все равно, что обо мне скажут
Ровшан Аскеров: мне все равно, что обо мне скажут - Sputnik Azərbaycan, 1920, 22.01.2025
Abunə olmaq
"Nə? Harada? Nə vaxt?" televiziya viktorina şousunun keçmiş oyunçusu xarici agent statusunu göstərmədiyinə görə inzibati məsuliyyətə cəlb edilib.
BAKI, 22 yanvar — Sputnik. "Nə? Harada? Nə vaxt?" intellektual yarışmasının keçmiş azərbaycanlı iştirakçısı Rövşən Əsgərov* terrorçu və ekstremistlər siyahısına əlavə edilib.
Bu barədə “Rosfinmonitorinq”in saytında məlumat verilib.
Agentlik oxşar siyahıya siyasətçi və ictimai xadim Leonid Qozmanı* da əlavə edib.
Qozman bundan əvvəl Rusiya ordusu ilə bağlı saxta xəbərlər yaydığına görə 8,5 il müddətinə azadlıqdan məhrum edilib.
Əsgərovu xarici agentin fəaliyyəti qaydalarını pozduğuna görə cinayət işi gözləyir. Bundan əvvəl Rövşən Əsgərovun 50 min rubl məbləğində cərimə olunduğu məlum olub. Keçmiş televiziya viktorina şousunun oyunçusu xarici agent statusunu göstərmədiyinə görə inzibati məsuliyyətə cəlb edilib.
* “Rosfinmonitorinq” tərəfindən terrorçu və ekstremistlər siyahısına daxil edilmiş, həmçinin Rusiya Federasiyasında xarici agent kimi tanınan şəxs
09.06.24, 15:40
Rusiyada "Nə? Harada? Nə vaxt?"ın ulduzu Rövşən Əsgərova cinayət işi açıla bilər
“Nə? Harada? Nə vaxt?" intellektual yarışmasının azərbaycanlı oyunçusu Rövşən Əsgərova Rusiyada cinayət işi açıla bilər.
Bu barədə TASS-a hüquq-mühafizə orqanları məlumat verib.
Bildirilib ki, Rusiya Federasiyasında xarici agent kimi tanınan Rövşən Əsgərov xarici agentin fəaliyyət qaydalarını pozduğuna görə onun barəsində cinayət işi açıla bilər.
“Əsgərov Rusiya Federasiyasının xarici agentlər haqqında qanunvericiliyində nəzərdə tutulmuş öhdəliklərdən yayındığına görə (Rusiya Federasiyası Cinayət Məcəlləsinin 330.1-ci maddəsi) cinayət işi ilə üzləşib. Bunun üçün əsaslar var. Əgər iş başlansa, Əsgərovu iki ilə qədər həbs gözləyir” - agentliyin həmsöhbəti bildirib.
Qeyd edək ki, R.Əsgərov 2022-ci ilin dekabrında Rusiyada xarici agent kimi tanınıb. O, artıq üç dəfə xarici agentlərlə bağlı qaydaları pozduğuna görə cərimələnib. Ona qarşı nasizmin reabilitasiyası ilə bağlı cinayət işi də istintaq olunur.
İstintaq müəyyən edib ki, o, öz “Facebook” səhifəsində marşal Georgi Jukovun xatirəsini təhqir edən və onu gözdən salan qəsdən yalan məlumatlar dərc edib.
Rusiya tərəfi Rövşən Əsgərovu federal axtarışa da verib.
10.01.24, 15:14
"Nə? Harada? Nə vaxt?"ın ulduzu Rövşən Əsgərov "agent markası"na görə cərimələnib
Azərbaycanlı jurnalist, "Nə? Harada? Nə vaxt?" intellektual şousunun ulduzu Rövşən Əsgərov xarici agent markasına görə cərimələnib.
Bu barədə Moskvanın Ümumi Yurisdiksiya Məhkəmələrinin "Telegram" kanalı Savyolov Rayon Məhkəməsinin qərarına istinadən məlumat yayıb.
Məhkəmə Əsgərovu inzibati xəta törətməkdə təqsirli bilib. Ona 50 000 rubl (950 manat) məbləğində inzibati cərimə tətbiq edilib.
Əsgərovun nümayəndəsi məhkəməyə gəlməyib.
İş materiallarından məlum olur ki, protokol Əsgərovun şəxsi YouTube kanalında xarici agent statusunu göstərmədiyi üçün tərtib edilib.
2023-cü ilin sentyabrında Əsgərov xarici agentlik nişanının olmamasına görə artıq 40 min rubl cərimə olunub. Avqust ayında məhkəmənin qərarı ilə o, həmçinin Rusiya Federasiyasının İnzibati Xətalar Məcəlləsinin 19.34-cü maddəsinin 2-ci hissəsinə əsasən, xarici agentin səlahiyyətli orqana hesabat təqdim etməməsinə görə 40 min rubl cərimə olunub.
Əsgərov 2022-ci ilin dekabrında xarici agentlər siyahısına daxil edilib.
Xatırladaq ki, 2022-ci ildə Rusiyanın paytaxtı Moskvada azərbaycanlı jurnalist və "Nə? Harada? Nə zaman?" televiziya oyununun iştirakçısı Rövşən Əsgərov barəsində qiyabi həbs qərarı verilmişdi.
Həmin ilin aprelin sonu Rusiyada Rövşən Əsgərov barəsində cinayət işi başlanılıb, mayın əvvəlləri isə o, bu ölkədə axtarışa verilib. Əsgərov, sosial şəbəkələrdəki paylaşımlarında nasizmi bərpa etməkdə ittiham olunur.
İstintaq Komitəsi müəyyən edib ki, 49 yaşlı Əsgərov feysbukda rusiyalı sərkərdə, SSRİ marşalı Georgi Jukovun xatirəsini təhqir edən yalan məlumatlar paylaşıb.
2023-cü ildə Rövşən Əsgərov daha bir qalmaqallı addımı ilə gündəmə gəlib. O, cinsi qısnamada təqsirləndirilən "Nə? Harada? Nə vaxt?" televiziya intellektual klubunun eksperti, "Büllur bayquş"un ikiqat qalibi Mixail Skipskinin müdafiəsinə qalxıb.
Xatırladaq ki, Rövşən Əsgərov 1998-ci ildən Rusiyanın "Nə? Harada? Nə vaxt?" klubunun oyunçusudur. O, "Nə? Harada? Nə vaxt?" dünya çempionatının təşkilində iştirakına görə "İlin adamı" nominasiyasında mükafatının ilk laureatı, "Büllur Bayquş"un sahibidir. 2018-ci ildə isə "Nə? Harada? Nə vaxt?" Bakı klubunun qrossmeysteri adına layiq görülüb. Oyunun Azərbaycanda mövcud olduğu ilk beş ilin ən yaxşı oyunçusu olub. 2018-ci ilin sentyabrında mütəxəssis klubdan ayrılmaq qərarına gəlib və "No Fools" smart oyunlarının intellektual layihəsini yaradıb.
Xəbər lenti
0