Rusiya hərbçiləri İranla sərhəddən çıxarılıcaq? Mirzoyan məsələni ermənisayağı şərh edib

© Sputnik / Aleksandr Kondratyuk / Mediabanka keçidRusiya FTX-nin sərhədçiləri
Rusiya FTX-nin sərhədçiləri - Sputnik Azərbaycan, 1920, 21.01.2025
Abunə olmaq
Ermənistan XİN rəhbəri KTMT-yə üzvlük barədə danışarkən Rusiya ilə çox ciddi, güclü ikitərəfli razılaşmalarının olmasına vurğu qoyub.
BAKI, 21 yanvar — Sputnik. Rusiya müttəfiqimizdir və ölkələrimiz arasında "güclü razılaşmalar" var. Bunu Ermənistanın xarici işlər naziri Ararat Mirzoyan rusiyalı həmkarı Sergey Lavrovla birgə mətbuat konfransı zamanı bildirib.
Mirzoyana Ermənistanın KTMT-yə üzvlüyünün perspektivləri ilə bağlı sual verilib.
"Ermənistanın KTMT-yə üzvlüyünə gəlincə, bilirsiniz ki, bizim Rusiya ilə çox ciddi, güclü ikitərəfli razılaşmalarımız var" - Mirzoyan bildirib
O, həmçinin əlavə edib ki, Ermənistan İranla çox yaxşı qonşuluq və tərəfdaşlıq münasibətlərinə malikdir.
"İndi Rusiya Federasiyası İranla çox yaxşı tərəfdaşlıq qurur, düşünürəm ki, bütün ölkələr bu əməkdaşlıqdan faydalanacaq" - Mirzoyan bildirib.
Rusiya sərhədçilərinin Ermənistan-İran sərhədindəki keçid məntəqəsindən çıxarılmasından danışan Mirzoyan bildirib ki, Ermənistan müstəqilliyinin ilk günündən İrəvanın tələbi ilə Rusiya sərhədçiləri Ermənistanla sərhəddə təhlükəsizliyin təmin edilməsinə müvəqqəti cəlb olunub.
"Və bir müddət sonra biz təbii ki, Rusiya tərəfinə və Rusiyanın müvafiq xidmətinə sərhədimizdə bu qədər uzun xidmətə görə təşəkkür etdik və artıq məlumat vermişik ki, sərhədimizin bu hissəsini bundan sonra öz qüvvələrimiz qoruya bilər" - Mirzoyan əlavə edib.
Xəbər lenti
0