DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Avropalılar Trampın dünyaya mənfi təsir edəcəyini düşünürlər – sorğu

© AP Photo / Kevin LamarqueABŞ prezidenti Donald Tramp
ABŞ prezidenti Donald Tramp - Sputnik Azərbaycan, 1920, 21.01.2025
Abunə olmaq
Sorğu Rusiya da daxil olmaqla 16 Avropa ölkəsinin və səkkiz qeyri-Avropa ölkəsinin 18 və yuxarı yaşda olan sakinləri arasında keçirilib. Ümumilikdə sorğuda 28 549 nəfər iştirak edib.
BAKI, 21 yanvar — Sputnik. Avropalılar Donald Trampın ABŞ prezidenti seçilməsinin planetdə sülhün qorunmasına mənfi təsir edəcəyini digər ölkələrin sakinlərinə nisbətən daha çox düşünürlər.
"Avropa Xarici Əlaqələr Şurası"(ECFR) analitik mərkəzinin sorğusunun nəticələrindən bu qərara gəlmək olar.
Sorğunun nəticələrinə görə, Hindistanda (82%), Səudiyyə Ərəbistanında (57%) və Çində (52%) respondentlərin yarıdan çoxu Trampın seçilməsinin sülhün qorunmasına müsbət təsir edəcəyinə inanırlar. Eyni zamanda, Avropada əks fikir var: Böyük Britaniyada respondentlərin 58%-i, İsveçrədə 46%-i, Bolqarıstan, Estoniya, Macarıstan və Latviyada, Litva, Polşa, Rumıniya, Sloveniya, Slovakiya, Çexiya və Xorvatiyada 40%-i Trampın ikinci prezidentlik müddətinin planetdəki vəziyyətə mənfi təsir edəcəyini deyirlər. Bundan əlavə, Cənubi koreyalıların 67%-i avropalıların narahatlığını bölüşür.
Sorğu 2024-cü ilin noyabrında Rusiya da daxil olmaqla 16 Avropa ölkəsinin və səkkiz qeyri-Avropa ölkəsinin 18 və yuxarı yaşda olan sakinləri arasında keçirilib. Ümumilikdə sorğuda 28 549 nəfər iştirak edib. Səhv müəyyən edilməyib.
Qeyd edək ki, yanvarın 6-da ABŞ Konqresi ABŞ prezident seçkilərində respublikaçı Donald Trampın qələbəsini rəsmən təsdiqləyib. Tramp yanvarın 20-də inauqurasiya mərasimindən sonra ABŞ-ın 47-ci prezidenti olacaq.
ABŞ prezidenti Donald Tramp - Sputnik Azərbaycan, 1920, 20.01.2025
DÜNYA XƏBƏRLƏRİ
Tramp ABŞ gücünün bütün müharibələri dayandıracağına söz verib
Xəbər lenti
0