Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Ukrayna nizamlanmasının məqsədi uzunmüddətli sülh olmalıdır - Putin

© AP Photo / Evan VucciABŞ və Rusiya prezidentləri Donald Tramp və Vladimir Putinin G20 sammiti zamanı görüşü, Hamburq, Almaniya, 7 iyul 2017-ci il
ABŞ və Rusiya prezidentləri Donald Tramp və Vladimir Putinin G20 sammiti zamanı görüşü, Hamburq, Almaniya, 7 iyul 2017-ci il - Sputnik Azərbaycan, 1920, 20.01.2025
Abunə olmaq
Rusiya prezidenti Vladimir Putin Donald Trampın ABŞ prezident seçkilərində qələbəsini inandırıcı adlandırıb.
BAKI, 20 yanvar - Sputnik. Rusiya prezidenti Vladimir Putin Donald Trampın ABŞ prezident seçkilərində qələbəsini inandırıcı adlandırıb. Bu barədə RİA Novosti xəbər yayıb.
Rusiya lideri Rusiya Təhlükəsizlik Şurasının daimi üzvləri ilə görüşündə ABŞ-ın yeni seçilmiş prezidenti Donald Trampı vəzifəyə başlaması münasibətilə təbrik edib.
O, seçkiqabağı dövrün hər baxımdan Tramp üçün çətin olduğunu qeyd edib;

“O, cəsarət göstərdi və seçkidə inamlı qələbə qazandı”, - Putin Rusiya Təhlükəsizlik Şurasının üzvləri ilə görüşündə deyib.

Rusiya lideri bildirib ki, Moskva ABŞ-ın yeni prezidenti Donald Trampın münasibətini və üçüncü dünya müharibəsinin qarşısını almaq üçün hər şeyi etmək lazım olduğuna dair sözlərini alqışlayır.
“Biz ABŞ-ın yeni seçilmiş prezidentinin və onun komandasının üzvlərinin Rusiya ilə birbaşa əlaqələri bərpa etmək istəyi ilə bağlı bəyanatlarını görürük ki, bu da bizim günahımız olmadan gedən administrasiya tərəfindən kəsilib. Üçüncü dünya müharibəsinin qarşısını almaq üçün hər şeyi etmək lazım olduğuna dair bəyanatlarını da eşidirik. Təbii ki, biz bu münasibəti alqışlayırıq”, - Putin deyib.
Vladimir Putinin sözlərinə görə, Rusiya güman edir ki, ABŞ-la dialoq bərabərhüquqlu və qarşılıqlı hörmət əsasında qurulacaq.
“Biz dialoqun bərabərhüquqlu və qarşılıqlı hörmət əsasında qurulacağından çıxış edərək, ölkələrimizin qlobal gündəliyin bir sıra əsas məsələləri, o cümlədən strateji sabitliyin və təhlükəsizliyin möhkəmləndirilməsi üzrə oynadığı mühüm rolu nəzərə alırıq”.
Putin vurğulayıb ki, Rusiya Federasiyası heç vaxt dialoqdan imtina etməyib və istənilən ABŞ administrasiyası ilə bərabər, əməkdaşlıq münasibətlərini saxlamağa həmişə hazır olub.
RF lideri qeyd edib ki, Ukrayna nizamlanmasının məqsədi qısamüddətli barışıq yox, uzunmüddətli sülh olmalıdır.

“Vəziyyətin bilavasitə həllinə gəlincə, bir daha qeyd etmək istərdim ki, məqsəd qısamüddətli atəşkəs, sonradan münaqişəni davam etdirmək məqsədi ilə qüvvələrin yenidən qruplaşdırılması və yenidən silahlanması üçün bir növ möhlət yox, uzun müddət davam edən atəşkəs, bu bölgədə yaşayan bütün insanların, bütün millətlərin qanuni maraqlarına hörmətə əsaslanan sülh olmalıdır", - RF dövlət başçısı bildirib.

Putin həmçinin qeyd edib ki, Rusiya öz xalqının maraqları üçün mübarizə aparacaq.
“Əslində, xüsusi hərbi əməliyyatın keçirilməsinin məqsədi və mənası budur”, - deyə Rusiya prezident fikrini yekunlaşdırıb.
Tramp yanvarın 20-də inauqurasiya mərasimi keçirəcək, ABŞ-ın 47-ci prezidenti olacaq və demokrat Co Baydenin 4 illik dövründən sonra Ağ Evə qayıdacaq.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0