DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Fransa XİN-dən Trampa cavab: Aİ öz sərhədlərinə hücuma icazə verməyəcək

© AP Photo / Ludovic Marin, PoolFransa bayrağı, arxiv
Fransa bayrağı, arxiv - Sputnik Azərbaycan, 1920, 19.01.2025
Abunə olmaq
Fransanın xarici işlər naziri Jan-Noel Barro qeyd edib ki, faktiki olaraq, Qrenlandiya Aİ ərazisidir.
BAKI, 19 yanvar — Sputnik. ABŞ-ın yeni seçilmiş Prezidenti Donald Trampın Qrenlandiyanın Birləşmiş Ştatlara qoşulma ehtimalı ilə bağlı bəyanatları zamanın ruhunu əks etdirir, lakin Aİ digər dövlətlərin onun sərhədlərinə müdaxilə etməsinə icazə verməyəcək.
Bunu Fransanın xarici işlər naziri Jan-Noel Barro "France Inter" radiosunun efirində deyib.
Barro qeyd edib ki, Qrenlandiyanın zorla ABŞ-a qoşulma ehtimalına inanmır. O, həmçinin qeyd edib ki, faktiki olaraq, Qrenlandiya Aİ ərazisidir.
"Avropa İttifaqı dünyanın digər ölkələrinə... öz suveren sərhədlərinə hücum etməyə icazə verə bilməz" - Jan-Noel Barro vurğulayıb.
Xatırladaq ki, Qrenlandiya 1953-cü ilə qədər Danimarka müstəmləkəsi olub və hələ də krallığın bir hissəsidir, lakin 2009-cu ildə Qrenlandiyaya muxtariyyət verildi və bu, ona daxili siyasətində özünüidarəni həyata keçirməyə imkan yaratdı.
Bu yaxınlarda Trampın Qrenlandiyanın ilhaqı ilə bağlı əsas planı açıqlanıb. Danimarka hökuməti Trampın təklif etdiyi razılaşmanın qəti əleyhinədir.
"New York Post" daha əvvəl Trampın Qrenlandiyanı almaqda ciddi olduğunu yazmışdı. Qeyd edilib ki, bu sövdələşmə ABŞ tarixində ən böyük devralmaya çevrilə bilər.
Bundan əvvəl ABŞ-da Trampın planlarının yüksək inflyasiyaya səbəb olacağından ehtiyat edildiyi barədə məlumat verilmişdi.
Xəbər lenti
0