Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Paşinyan Putinə zəng etdi

© Sputnik / Mikhail Klimentyev / Mediabanka keçidErmənistanın baş naziri Nikol Paşinyan və Rusiya prezidenti Vladimir Putin
Ermənistanın baş naziri Nikol Paşinyan və Rusiya prezidenti Vladimir Putin - Sputnik Azərbaycan, 1920, 17.01.2025
Abunə olmaq
Telefon danışığında Paşinyan İrəvanın son addımları ilə bağlı vəziyyəti Avropa İttifaqı ilə münasibətlər kontekstində izah edib və Rusiya lideri buna öz qiymətini verib.
BAKI, 17 yanvar — Sputnik. Ermənistanın baş naziri Nikol Paşinyanla Rusiya prezidenti Vladimir Putin arasında telefon danışığı olub. Bu barədə Ermənistan hökumətinin mətbuat xidməti məlumat yayıb.
İki ölkə liderləri Ermənistanın Avrasiya İqtisadi İttifaqına sədrliyinin yekunlarını, Aİİ çərçivəsində gələcək fəaliyyət planlarını, eləcə də ikitərəfli Ermənistan-Rusiya gündəliyinin bir sıra məsələlərini müzakirə ediblər.
Kremlin mətbuat xidməti isə xəbər verir ki, telefon danışığında Paşinyan İrəvanın son addımları ilə bağlı vəziyyəti Avropa İttifaqı ilə münasibətlər kontekstində izah edib və Rusiya lideri buna öz qiymətini verib.
Söhbətin Ermənistan tərəfinin təşəbbüsü ilə baş tutduğu qeyd edilir.

"Nikol Paşinyan İrəvanın son addımları ilə bağlı vəziyyəti Avropa İttifaqı ilə münasibətlər kontekstində izah edib. Rusiya lideri müvafiq şərhlər və qiymətlər verib", - məlumatda deyilir.

Xatırladaq ki, liderlər sonuncu dəfə ötən ilin oktyabrında Kazanda BRİKS+ sammiti çərçivəsində görüşüblər. Dekabrda isə Paşinyan videobağlantı vasitəsilə Ali Avrasiya İqtisadi Şurasının iclasında iştirak edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0