DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Tramp Aİ mallarına rüsum tətbiq etsə, Almaniya 300 min iş yerini itirəcək

© AP Photo / Jose Luis MaganaDonald Tramp, arxiv
Donald Tramp, arxiv - Sputnik Azərbaycan, 1920, 16.01.2025
Abunə olmaq
Almaniyada 1,2 milyon iş yeri ABŞ-a ixracdan asılıdır.
BAKI, 16 yanvar — Sputnik. ABŞ-ın yeni seçilmiş Prezidenti Donald Tramp təhdidlərini yerinə yetirsə və Avropa İttifaqı (Aİ) mallarına daha yüksək rüsumlar tətbiq etsə, Almaniya 300 minə yaxın iş itkisi ilə üzləşə bilər.
Bu barədə “TASS” agentliyi xəbər verir.
Bu hesablamalar haqqında məlumatı dərc edən “Süddeutsche Zeitung” qəzetinin məlumatına görə, rüsumların tətbiqi əsasən istehsal olunan məhsulların 28%-nin xaricə getdiyi ixracyönümlü Almaniyaya daha çox təsir edəcək. Almaniyada 1,2 milyon iş yeri ABŞ-a ixracdan asılıdır ki, bu da ölkənin maşınqayırma və avtomobil istehsalı kimi ən böyük sənaye sahələrində çalışan işçilərin sayından çoxdur.
Seçki kampaniyası zamanı Donald Tramp noyabrda keçirilən prezident seçkilərində qalib gələcəyi təqdirdə idxal rüsumlarını əhəmiyyətli dərəcədə artırmaq niyyətində olduğunu söyləyib. O, proqramında istənilən malların idxalına 10 faiz rüsum tətbiq edilməsini, Çindən idxala 60 faiz, ABŞ-dan kənarda istehsal olunan avtomobillərə isə 100 faiz rüsum tətbiq etməyi təklif edib.
Bu yaxınlarda Tramp Brüsselin ABŞ neft və qazının alış həcmini artırmadığı təqdirdə, Aİ-yə qarşı daha yüksək idxal rüsumları tətbiq etmək niyyətində olduğunu bildirib.
Xəbər lenti
0