DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

ABŞ bütün dünyanı idarə etmək fikrindən uzaqlaşır

© AP Photo / Patrick SemanskyABŞ bayraqları, arxiv
ABŞ bayraqları, arxiv - Sputnik Azərbaycan, 1920, 15.01.2025
Abunə olmaq
İş o nöqtəyə yaxınlaşır ki, bir vaxtlar, 19-cu əsrdə olduğu kimi, ən vacib şey regionun özündə həlledici təsirə malik olmaqdır.
BAKI, 15 yanvar — Sputnik. Birləşmiş Ştatlar bütün dünyanı idarə etməli olduğu fikrindən uzaqlaşmağa başlayır.
Valday Beynəlxalq Diskussiya Klubunun Tədqiqatlar üzrə direktoru Fyodor Lukyanovun "aif.ru" ilə söhbətində qeyd etdiyi kimi, buna səbəb ABŞ-ın bunu edə bilməməsidir.
"ABŞ bütün dünyanı idarə etməli olduqları fikrindən uzaqlaşmağa başlayır, çünki bunu etmək, sadəcə olaraq alınmır. İş o nöqtəyə yaxınlaşır ki, bir vaxtlar, 19-cu əsrdə olduğu kimi, ən vacib şey regionun özündə həlledici təsirə malik olmaqdır" – politoloq fikrini bildirib.
Ekspertin fikrincə, ABŞ üçün regional maraqların ön planda olması müəyyən mənada Donald Trampın Meksika körfəzinin adını Amerikan Körfəzi adlandırması kimi nümayişkaranə hərəkətlə dəstəklənir. Lukyanovun qeyd etdiyi kimi, dünyanın qlobal olması və Yer kürəsinin müxtəlif yerlərində hamının bir-birinə bağlı olması barədə əvvəlki fikir hazırda yox olmaqdadır.
"Qonşular dünyanın o tayındakı qeyri-qonşulardan daha vacibdir, dünyanın öz hissəsindəki təsir gücü həlledicidir. Bu, hər yerdə belədir. Tramp isə əvvəldən məhz qonşu bölgələrə və ölkələrə bu cür diqqət yetirir. Bu, tamamilə formalaşmaqda olan yeni dünya düzəninin ruhuna uyğundur" - politoloq sözünü yekunlaşdırıb.
Lukyanov daha əvvəl Qrenlandiyanın niyə 51-ci ştat olmayacağının səbəbini açıqlamışdı.
Xəbər lenti
0