https://sputnik.az/20250107/rosatom-siemensi-mehkemeye-vermek-niyyetindedir-469837531.html
"Rosatom" "Siemens"i məhkəməyə vermək niyyətindədir
"Rosatom" "Siemens"i məhkəməyə vermək niyyətindədir
Sputnik Azərbaycan
Məhkəmədə baxılacaq münaqişəyə səbəb Türkiyədə tikilməkdə olan "Akkuyu" AES-ə avadanlıqların verilməsindən imtina edilməsidir. 07.01.2025, Sputnik Azərbaycan
2025-01-07T10:43+0400
2025-01-07T10:43+0400
2025-01-07T10:43+0400
"rosatom"
rusiya
"siemens" şirkəti
avadanlıq
bayraktar
https://cdnn1.img.sputnik.az/img/07e8/03/19/463496726_0:0:3078:1731_1920x0_80_0_0_f7255daf56ec3e57480218c2915fa963.jpg
BAKI, 7 yanvar — Sputnik. "Rosatom" Türkiyədə tikilməkdə olan "Akkuyu" AES-ə avadanlıq verməkdən imtina etdiyi üçün "Siemens"i məhkəməyə verəcək. Bunu "Rosatom"un rəhbəri Sergey Lixaçev "Rossiya 24" telekanalına müsahibəsində bildirib. "Biz bu layihələrlə bağlı bir çox hiylələri dəf etdik. "Siemens" layihə üçün artıq istehsal olunmuş və pulu ödənilmiş avadanlığı Türkiyədən tədarük etməkdən nümayişkaranə şəkildə imtina edir " - Lixaçev bildirib. Jurnalistin "Siemens"in avadanlıq üçün pulu "Rosatom"a qaytarıb-qaytarmadığını soruşduqda, Lixaçev mənfi cavab verib. "Aydındır ki, məhkəmə prosesləri olacaq. Əvvəlcədən dəyəri ödənilmiş avadanlıq çatdırılmayıb. Bu, bizə həm avadanlıqların konkret alınması, həm də bu avadanlıqların montaj müddətlərinin tənzimlənməsi üçün əlavə xərclər yaradıb. Bu iddialar irəli sürüləcək" - Lixaçev cavab verib. "Siemens Energy" gecikmənin səbəbinin Almaniya rəsmilərinin ixrac icazəsi verməməsi olduğunu bildirib. Şirkət daha əvvəl "Akkuyu"ya bəzi avadanlıqlar tədarük etdiyini qeyd edib, lakin bunun hansı avadanlıq olduğunu, qalan hissəyə niyə icazənin olmadığını və baş verənlərin Rusiyaya qarşı sanksiyalarla bağlı olub-olmadığını açıqlamaqdan imtina edib. Eyni zamanda Bayraktar, "Rosatom"un "bu məhsul üçün Çində alternativ sifariş verdiyi" üçün alman məhsullarına alternativin artıq tapıldığını söyləyib. Xatırladaq ki, 2024-cü ilin dekabrında Bayraktar və Lixaçev "Akkuyu" AES-in birinci enerji blokunun turbin qurğusunun quraşdırılmasının tamamlanması mərasimində iştirak ediblər. Türkiyəli nazir bildirib ki, ilk reaktor 2025-ci ildə sınaq rejimində işə salınacaq. "Reuters" agentliyi xatırladıb ki, Türkiyə əvvəlcə onu 2023-cü ildə istifadəyə verməyi planlaşdırırdı.
Sputnik Azərbaycan
media@sputniknews.com
+74956456601
MIA „Rossiya Segodnya“
2025
Aygün Bünyadzadə
https://cdnn1.img.sputnik.az/img/07e6/05/06/441716660_0:0:1000:1001_100x100_80_0_0_486cda2f4c78f152b984457db6213569.png
Aygün Bünyadzadə
https://cdnn1.img.sputnik.az/img/07e6/05/06/441716660_0:0:1000:1001_100x100_80_0_0_486cda2f4c78f152b984457db6213569.png
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
Aygün Bünyadzadə
https://cdnn1.img.sputnik.az/img/07e6/05/06/441716660_0:0:1000:1001_100x100_80_0_0_486cda2f4c78f152b984457db6213569.png
"rosatom", "siemens" şirkəti, avadanlıq, bayraktar
"rosatom", "siemens" şirkəti, avadanlıq, bayraktar
"Rosatom" "Siemens"i məhkəməyə vermək niyyətindədir
Məhkəmədə baxılacaq münaqişəyə səbəb Türkiyədə tikilməkdə olan "Akkuyu" AES-ə avadanlıqların verilməsindən imtina edilməsidir.
BAKI, 7 yanvar — Sputnik. "Rosatom" Türkiyədə tikilməkdə olan "Akkuyu" AES-ə avadanlıq verməkdən imtina etdiyi üçün "Siemens"i məhkəməyə verəcək.
Bunu "Rosatom"un rəhbəri Sergey Lixaçev "Rossiya 24" telekanalına müsahibəsində bildirib.
"Biz bu layihələrlə bağlı bir çox hiylələri dəf etdik. "Siemens" layihə üçün artıq istehsal olunmuş və pulu ödənilmiş avadanlığı Türkiyədən tədarük etməkdən nümayişkaranə şəkildə imtina edir " - Lixaçev bildirib.
Jurnalistin "Siemens"in avadanlıq üçün pulu "Rosatom"a qaytarıb-qaytarmadığını soruşduqda, Lixaçev mənfi cavab verib.
"Aydındır ki, məhkəmə prosesləri olacaq. Əvvəlcədən dəyəri ödənilmiş avadanlıq çatdırılmayıb. Bu, bizə həm avadanlıqların konkret alınması, həm də bu avadanlıqların montaj müddətlərinin tənzimlənməsi üçün əlavə xərclər yaradıb. Bu iddialar irəli sürüləcək" - Lixaçev cavab verib.
2024-cü ilin sentyabrında Türkiyənin energetika naziri Alparslan Bayraktar "Anadolu" agentliyinə bildirib ki, Türkiyənin ilk atom elektrik stansiyası olan "Akkuyu"nun tikintisi 90% tamamlanıb, lakin "Siemens"dən avadanlıqların çatdırılmasında gecikmələr səbəbindən işə salınması bir neçə ay gecikib. Nazir ehtimal edib ki, alman şirkətinin mövqeyi Ukraynadakı müharibə ilə əlaqədar Qərbin Rusiyaya qarşı tətbiq etdiyi sanksiyalarla bağlı ola bilər.
"Siemens Energy" gecikmənin səbəbinin Almaniya rəsmilərinin ixrac icazəsi verməməsi olduğunu bildirib. Şirkət daha əvvəl "Akkuyu"ya bəzi avadanlıqlar tədarük etdiyini qeyd edib, lakin bunun hansı avadanlıq olduğunu, qalan hissəyə niyə icazənin olmadığını və baş verənlərin Rusiyaya qarşı sanksiyalarla bağlı olub-olmadığını açıqlamaqdan imtina edib.
Eyni zamanda Bayraktar, "Rosatom"un "bu məhsul üçün Çində alternativ sifariş verdiyi" üçün alman məhsullarına alternativin artıq tapıldığını söyləyib.
Xatırladaq ki, 2024-cü ilin dekabrında Bayraktar və Lixaçev "Akkuyu" AES-in birinci enerji blokunun turbin qurğusunun quraşdırılmasının tamamlanması mərasimində iştirak ediblər. Türkiyəli nazir bildirib ki, ilk reaktor 2025-ci ildə sınaq rejimində işə salınacaq. "Reuters" agentliyi xatırladıb ki, Türkiyə əvvəlcə onu 2023-cü ildə istifadəyə verməyi planlaşdırırdı.
