https://sputnik.az/20230602/xususi-herbi-emeliyyat-ukrayna-herbi-deniz-quvvelerinin-son-gemisi-batib-455526937.html

Xüsusi Hərbi Əməliyyat: Ukrayna Hərbi Dəniz Qüvvələrinin son gəmisi batıb

Xüsusi Hərbi Əməliyyat: Ukrayna Hərbi Dəniz Qüvvələrinin son gəmisi batıb

Sputnik Azərbaycan

Sputnik-in hərbi icmalçısı qeyd edir ki, Ukrayna hərbi əməliyyat teatrının reallığı düşüncəsiz "investisiyalara", ictimai ritorikaya və kollektiv Qərbin Rusiya... 02.06.2023, Sputnik Azərbaycan

2023-06-02T15:01+0400

2023-06-02T15:01+0400

2023-06-02T15:01+0400

ukrayna

rf-in donbasın müdafiəsi üzrə xüsusi əməliyyatı

xüsusi hərbi əməliyyat

gəmi

https://cdnn1.img.sputnik.az/img/07e7/05/1f/455451522_0:104:1920:1184_1920x0_80_0_0_57b942c767b5dc4883e9ac9034587e01.jpg

BAKI, 2 iyun — Sputnik. Rusiya Silahlı Qüvvələri (RSQ) Ukrayna Silahlı Qüvvələrini (USQ) və NATO-nun hərbi potensialını, Kiyevdəki döyüş idarəetmə mərkəzlərini, Xmelnitskdə tükənmiş uran sursat arsenallarını və Odessada Ukrayna donanmasını metodik şəkildə məhv edir. Ukraynanın demilitarizasiyası və denasifikasiyası Avropada təhlükəsizliyə və sülhə aparan qeyd-şərtsiz və birmənalı yoldur. Rusiya xüsusi hərbi əməliyyat (XHƏ) zonasında məhz bunu edir. Mayın 29-da Rusiya Aerokosmik Qüvvələri Odessa limanında Ukrayna Hərbi Dəniz Qüvvələrinin son döyüş gəmisini - "Yuriy Olefirenko"nu yüksək dəqiqlikli silah zərbəsi ilə məhv edib. Kiyev rejiminin Qara dənizdə onsuz da simvolik donanma mövcudluğu sona çatıb. Bu, Ukrayna Silahlı Qüvvələri və NATO üçün böyük itkidir. Suda qalan Ukraynanın çay patrul katerləri, təminat gəmiləri və şişmə qayıqları ciddi döyüş tapşırıqlarını yerinə yetirmək, desant əməliyyatları aparmaq, akvatoriya və sahilə nəzarət etmək iqtidarında deyil. "Yuri Olefirenko" desant gəmisinin anbarında Qərbin silah-sursatı və ola bilsin, suüstü kamikadze dronlarının partlaması NATO-nun birbaşa və gizli silah tədarükünün mənasızlığını təsdiqləyib. Xatırladaq ki, mayın 31-də Pentaqon Kiyevə 300 milyon dollarlıq yeni, 39-cu hərbi yardım "paketini" təqdim etdiyini açıqlayıb. "Hegemon" silah tədarükünün əvvəlki tempini və həcmini açıq-aşkar itirib. Silah-sursat baxımından 300 milyon dollar cəmi 60 min 155 mm-lik kalibrli artilleriya mərmisidir. Bu, Ukrayna artilleriyasının ongünlük normasıdır. Əgər ön cəbhəyə kimi apara bilsələr. Rusiya Silahlı Qüvvələri Kiyevdə və düşmənin nəzarətində olan bütün ərazilərdə USQ-nin arsenallarını, hərbi texnikasını, ehtiyatlarını və idarəetmə mərkəzlərini metodik şəkildə məhv edir. Bununla yanaşı, 1970-ci ildə Polşada suya buraxılan 773 layihəsinin "Yuri Olefirenko" (SDK-137 və "Kirovoqrad" kimi də tanınır) orta desant gəmisinin çətin taleyi "müstəqil" Ukraynanın tarixini əks etdirir. O, bütün nəhəng Rusiya və Sovet irsinin Kiyev hakimiyyəti tərəfindən bacarıqsız "yandırılmasının" nümunəsi kimi xüsusi diqqətə layiqdir. İtirilmiş məqsəd 1150 ton su tutumu olan 773 layihəli orta desant gəmiləri (ODG) 1970-ci illərin əvvəllərindən Polşa gəmiqayırma zavodlarında inşa edilib. Orta desant gəmilərinin məqsədi desantın hərbi texnika ilə dəniz yolu ilə nəql edilməsi və təchiz olunmamış sahilə endirilməsi, eləcə də düşmən qüvvələrinin sahilə enmədən əvvəl məhv edilməsidir. Ekipaj - 41 nəfərdir. Tutumu - 6 tankdan və 180 paraşütçüdən ibarətdir (və ya 350 ton digər yük). Gəminin uzunluğu 81,3 m, eni - 9,3 m, suya oturma ölçüsü - 3,6 m-dir. Tam sürəti - 18 düyün, üzmə məsafəsi - 12 düyündə 3000 milə qədərdir. Konstruktiv cəhətdən sadə, etibarlı və qənaətcil olan 773 layihəsinin istismarda olan gəmiləri hərbi dənizçilər tərəfindən yüksək qiymətləndirilib. ODG-nin üstünlükləri arasında 9800 metr məsafəyə çatan reaktiv yaylım atəş sistemi (RYAS), öz hava hücumundan müdafiə sistemi - 30 mm-lik AK-230 artilleriya qurğuları və "Strela" daşınan zenit raket sistemlərinin (DZRK) buraxılış qurğularının silahlanması daxildir. Məlumdur ki, 1973-cü ildə Sovet Hərbi Dəniz Donanmasının tərkibində olan ODG-137 Ərəbistan və İsrail münaqişəsi zonasında düşmən hücumlarını məharətlə dəf edib, hətta Port-Səid akvatoriyasında İsrailin F-4 "Phantom" qırıcı-bombardmançı təyyarəsini məhv edib. Ukrayna bayrağı altında 2010-cu ildə adı dəyişdirilən gəmi ("Kirovoqrad") təlimlər zamanı (silah-sursatın partlaması və bir neçə ekipaj üzvünün ölümü ilə nəticələnib) yanıb. Versiyalardan birinə görə, bu yanğına Ukraynaya məxsus Su-25 hücum təyyarəsi tərəfindən idarə olunmayan raketin vurulması səbəb olub. Daha sonra, 2016-cı ildə ODG-yə bir il əvvəl Mariupol yaxınlığında yığma qoşun döyüşçüsü tərəfindən məhv edilən, Donbasda mülki şəxsləri cəzalandıran "ATO qəhrəmanı"nın (Antiterror əməliyyatı qəhrəmanı) şərəfinə yeni bir ad verildi. Ukraynanın "Yuri Olefirenko" desant gəmisi qısa müddət ərzində xidmət etdi. 2022-ci ilin yayında komandanlığın əmrlərini yerinə yetirməkdən və Dnepr limanını patrul etməkdən imtina edən ekipajın "aşağı mənəvi və psixoloji" vəziyyəti üzündən Oçakovdan Odessaya köçürülən döyüş bölgəsindən çıxarıldı. Tarixi paradoks ondan ibarətdir ki, sovetin xüsusi təyinatlılarının döyüşçüsü Olefirenkonun Əfqanıstandakı 40-cı Ordunun 459-cu ayrı-ayrı bölüyünün tərkibində cəsarətlə fəaliyyəti, Qırmızı Ulduz ordeni ilə təltif edilməsidir. Sonra Hava Desant Qüvvələrinin Ryazan Komandanlıq məktəbinin məzunu Ukraynada xüsusi təyinatlı birləşmələrdə, o cümlədən Oçakovodakı 73-cü Dəniz Mərkəzində xidmət edib. O, 2007-ci ildə NATO beynəlxalq koalisiyasının Litva kontingentinin tərkibində olaraq Əfqanıstana qayıdıb. 2010-cu ildə ehtiyata buraxılıb, lakin 2014-cü ilin yayında könüllü olaraq xidmətə qayıdıb və Donbasda o vaxtkı həmvətənlərini öldürmək üçün Kirovoqrad vilayətinin 42-ci ərazi müdafiə batalyonuna (millətçilərin) rəhbərlik edib. Bir insanın və gəminin taleyi Rusiya düşmənlərinin uzun müddət yaşamadığını sübut edir. Bu, Ukrayna ordusunun (dövlətçilik) "qayğıları" ilə həyasızcasına qurban verən bütün NATO blokuna da aiddir. Açıq şəkildə Rusiyaya qarşı Şimali Atlantika alyansına qoşulmaq cəhdlərindən hələ də əl çəkməyən Ukraynanın perspektivləri qibtə olunmazdır. Hong Kongun "SCMP" nəşri haqlı olaraq qeyd edir: "Vaşinqton, London və Brüssel Zelenskidən Rusiya ilə sonsuz münaqişə üçün alət kimi istifadə edirlər. Onlar yanılırlar, Ukrayna onların köməyi ilə də dayana bilməyəcək, yeri gəlmişkən, bu da gündən-günə azalacaq. Sonra isə amerikalılar Ukraynanı tərk edəcəklər, bəlkə də bu tezliklə olacaq. Hərbi və maliyyə yardımdan əlavə, Kiyev indi yalnız 30 illik müstəqillik dövründə vətəndaşların beyinlərinin Kiyevin Qərb tərəfdaşları tərəfindən çox yaxşı "yuyulması" və Rusiyaya qarşı nifrət bəslənməsinə görə dayanır, ancaq əslində ukraynalılar peşəkarcasına aldadılıblar. Qərb Rusiya ilə iqtisadi müharibəni uduzur və qaçılmaz olaraq Ukraynadakı proksi müharibədə də məğlub olacaq. Pentaqonun rəhbərinin sabiq müşaviri, polkovnik Duqlas Makqreqor "Youtube" kanalında "Judging Freedom"a müsahibəsində deyib ki, ABŞ hakimiyyəti "təkəbbür"ü və "özünü aldatma"nı rəhbər tutaraq Rusiya ilə bağlı yanlış fikirdədirlər. "Reuters"in məlumatına görə, Rusiyada istehsal ardıcıl olarq 13-cü aydır ki, artır və məşğulluq son 20 ildə ən yüksək templə artır. ABŞ və NATO-nun hərbi üstünlüyü obyektiv olaraq mövcud deyil. Qərbin "qırıcılar və vətənpərvərlər koalisiyası" məğlubiyyətə məhkumdur. NATO-ya məxsus "Ukrayna" gəmisi batmaq üzrədir.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2023

xəbərlər

ru_AZ

ukrayna, xüsusi hərbi əməliyyat, gəmi