https://sputnik.az/20230410/fuzulinin-asagi-seyidehmedli-kendinde-kutlevi-mezarliqda-qazinti-isleri-aparilacaq-453597533.html
Füzulinin Aşağı Seyidəhmədli kəndində kütləvi məzarlıqda qazıntı işləri aparılacaq
Füzulinin Aşağı Seyidəhmədli kəndində kütləvi məzarlıqda qazıntı işləri aparılacaq
Sputnik Azərbaycan
Eldar Səmədov bildirib ki, may ayında Füzuli rayonunun Aşağı Seyidəhmədli kəndində ehtimal edilən kütləvi məzarlıqda ekspedisiya qrupu tərəfindən qazıntı... 10.04.2023, Sputnik Azərbaycan
2023-04-10T19:07+0400
2023-04-10T19:07+0400
2023-04-10T19:07+0400
füzuli
azərbaycan xəbərləri
anama
https://cdnn1.img.sputnik.az/img/07e6/0a/04/447052508_0:162:3067:1887_1920x0_80_0_0_203527d797fcff36798bf2e5a3aa563a.jpg
BAKI, 10 aprel — Sputnik. "Gələn ay Füzuli rayonunun Aşağı Seyidəhmədli kəndində ehtimal edilən kütləvi məzarlıqda ekspedisiya qrupu tərəfindən qazıntı işləri aparılacaq". Sputnik Azərbaycan-ın məlumatına görə, bunu "Report"a müsahibəsində Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi qrupu rəhbərinin müavini Eldar Səmədov deyib. O bildirib ki, Ermənistanın Azərbaycana qarşı hərbi təcavüzü nəticəsində, I Qarabağ müharibəsində 3890 nəfər itkin düşmüş şəxs kimi qeydiyyata alınıb: "Onlardan 3171 nəfəri hərbçi, 719 nəfəri mülki şəxsdir. Mülki şəxslərdən 71 nəfəri yetkinlik yaşına çatmamış uşaq, 267 nəfəri qadın, 326 nəfəri yaşlı insanlardır. İtkin düşmüş şəxslərin ümumi sayından 872 nəfər, o cümlədən 29 uşaq, 98 qadın və 112 nəfər yaşlı insanın əsir-girov götürülməsi və ya işğal edilmiş ərazilərdə qalmasına dair təkzibedilməz məlumatlar var. Ermənistan bu şəxslərin saxlanılması faktını beynəlxalq təşkilatlardan gizlədərək onların sonrakı taleyi barədə hazıra kimi məlumat vermir.I Qarabağ müharibəsi dövründə itkin düşmüş həm azərbaycanlılar, həm də ermənilər vaxtilə Ermənistan tərəfindən işğal edilmiş ərazilərdə itkin düşmüşlər və sözsüz ki, həmin şəxslər barəsində məlumatlar Ermənistan tərəfindədir. Ancaq Ermənistan tərəfi bütün sahələrdə olduğu kimi, humanitar məsələ ilə bağlı sahədə də konstruktiv mövqe nümayiş etdirmir. Ümid edək ki, qarşı tərəf içindəki insanlıq hisslərini dinləyərək itkin düşmüş şəxslərin sonrakı taleyi, xüsusən də məzar yerləri barədə məlumatları Azərbaycan tərəfinə təqdim edəcəkdir. Hər iki tərəfə aid itkin düşmüş şəxslərin meyit qalıqlarının tapılması qarşı tərəfin məsələyə konstruktiv münasibətindən çox asılıdır". E.Səmədov qeyd edib ki, itkin düşmüş şəxslərin sonrakı taleyinin müəyyənləşdirilməsinə mane olan digər səbəb isə işğaldan azad edilmiş ərazilərin mina və partlamamış hərbi sursatlarla çirkləndirilməsidir: "Qeyd edim ki, cari ilin may ayında Füzuli rayonunun Aşağı Seyidəhmədli kəndində ehtimal edilən kütləvi məzarlıqda ekspedisiya qrupu tərəfindən qazıntı işləri aparılacaq. Azərbaycan Respublikasının Minatəmizləmə Agentliyi (ANAMA) cari ilin əvvəlindən həmin ərazidə müvafiq təmizləmə işləri aparır. Ərazidən xeyli sayda mina və partlamamış hərbi sursat aşkarlanıb. Ərazi mina və partlamamış hərbi sursatlardan tam təmizləndikdən sonra orada müvafiq qazıntı işləri aparılacaq". Qeyd edək ki, Kəlbəcərin Başlıbel və Xocavəndin Edilli kəndlərindən sonra indi də Füzulinin Aşağı Seyidəhmədli kəndində kütləvi məzarlığın aşkarlanması üçün minatəmziləmə işləri aparılır. Azərbaycan Respublikasının Minatəmizləmə Agentliyinin (ANAMA) nümayəndəsi Vüsal Quliyev mətbuata açıqlamasında bildirmişdi ki, ərazi hədsiz dərəcədə minalanıb. "Ehtimal olunur ki, Ermənistan əvvəl-axır bu kütləvi məzarlığın yerinin bilinəcəyini təxmin edib, ona görə də törətdiyi müharibə cinayətini ört-basdır etmək, yaxınlarının, doğmalarının qalıqlarını axtaran insanların ölümünə səbəb olmaq üçün kütləvi məzarlığın üstünü və ətrafını minalayıb. Bu, Ermənistan tərəfindən törədilən müharibə cinayətlərinə xas üslubdur, azad edilmiş ərazilərdəki adi qəbiristanlıqlar, məzarlıqlar da minalanıb, insanların sümükləri çıxarılıb, qəbirlərdən qızıl dişlər axtarılıb", - deyə ANAMA nümayəndəsi bildirib. Onun sözlərinə görə, xüsusilə əraziyə daha yüksək tələfata, daha ağır xəsarətlərə hesablanmış tank əleyhinə minalar döşənib.
Sputnik Azərbaycan
media@sputniknews.com
+74956456601
MIA „Rossiya Segodnya“
2023
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
füzuli, anama
Füzulinin Aşağı Seyidəhmədli kəndində kütləvi məzarlıqda qazıntı işləri aparılacaq
Eldar Səmədov bildirib ki, may ayında Füzuli rayonunun Aşağı Seyidəhmədli kəndində ehtimal edilən kütləvi məzarlıqda ekspedisiya qrupu tərəfindən qazıntı işləri aparılacaq.
BAKI, 10 aprel — Sputnik. "Gələn ay Füzuli rayonunun Aşağı Seyidəhmədli kəndində ehtimal edilən kütləvi məzarlıqda ekspedisiya qrupu tərəfindən qazıntı işləri aparılacaq".
Sputnik Azərbaycan-ın məlumatına görə, bunu "Report"a müsahibəsində Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi qrupu rəhbərinin müavini Eldar Səmədov deyib.
O bildirib ki, Ermənistanın Azərbaycana qarşı hərbi təcavüzü nəticəsində, I Qarabağ müharibəsində 3890 nəfər itkin düşmüş şəxs kimi qeydiyyata alınıb:
"Onlardan 3171 nəfəri hərbçi, 719 nəfəri mülki şəxsdir. Mülki şəxslərdən 71 nəfəri yetkinlik yaşına çatmamış uşaq, 267 nəfəri qadın, 326 nəfəri yaşlı insanlardır. İtkin düşmüş şəxslərin ümumi sayından 872 nəfər, o cümlədən 29 uşaq, 98 qadın və 112 nəfər yaşlı insanın əsir-girov götürülməsi və ya işğal edilmiş ərazilərdə qalmasına dair təkzibedilməz məlumatlar var. Ermənistan bu şəxslərin saxlanılması faktını beynəlxalq təşkilatlardan gizlədərək onların sonrakı taleyi barədə hazıra kimi məlumat vermir.
I Qarabağ müharibəsi dövründə itkin düşmüş həm azərbaycanlılar, həm də ermənilər vaxtilə Ermənistan tərəfindən işğal edilmiş ərazilərdə itkin düşmüşlər və sözsüz ki, həmin şəxslər barəsində məlumatlar Ermənistan tərəfindədir. Ancaq Ermənistan tərəfi bütün sahələrdə olduğu kimi, humanitar məsələ ilə bağlı sahədə də konstruktiv mövqe nümayiş etdirmir. Ümid edək ki, qarşı tərəf içindəki insanlıq hisslərini dinləyərək itkin düşmüş şəxslərin sonrakı taleyi, xüsusən də məzar yerləri barədə məlumatları Azərbaycan tərəfinə təqdim edəcəkdir. Hər iki tərəfə aid itkin düşmüş şəxslərin meyit qalıqlarının tapılması qarşı tərəfin məsələyə konstruktiv münasibətindən çox asılıdır".
E.Səmədov qeyd edib ki, itkin düşmüş şəxslərin sonrakı taleyinin müəyyənləşdirilməsinə mane olan digər səbəb isə işğaldan azad edilmiş ərazilərin mina və partlamamış hərbi sursatlarla çirkləndirilməsidir: "Qeyd edim ki, cari ilin may ayında Füzuli rayonunun Aşağı Seyidəhmədli kəndində ehtimal edilən kütləvi məzarlıqda ekspedisiya qrupu tərəfindən qazıntı işləri aparılacaq. Azərbaycan Respublikasının Minatəmizləmə Agentliyi (ANAMA) cari ilin əvvəlindən həmin ərazidə müvafiq təmizləmə işləri aparır. Ərazidən xeyli sayda mina və partlamamış hərbi sursat aşkarlanıb. Ərazi mina və partlamamış hərbi sursatlardan tam təmizləndikdən sonra orada müvafiq qazıntı işləri aparılacaq".
Qeyd edək ki, Kəlbəcərin Başlıbel və Xocavəndin Edilli kəndlərindən sonra indi də Füzulinin Aşağı Seyidəhmədli kəndində kütləvi məzarlığın aşkarlanması üçün minatəmziləmə işləri aparılır. Azərbaycan Respublikasının Minatəmizləmə Agentliyinin (ANAMA) nümayəndəsi Vüsal Quliyev mətbuata açıqlamasında bildirmişdi ki, ərazi hədsiz dərəcədə minalanıb.
"Ehtimal olunur ki, Ermənistan əvvəl-axır bu kütləvi məzarlığın yerinin bilinəcəyini təxmin edib, ona görə də törətdiyi müharibə cinayətini ört-basdır etmək, yaxınlarının, doğmalarının qalıqlarını axtaran insanların ölümünə səbəb olmaq üçün kütləvi məzarlığın üstünü və ətrafını minalayıb. Bu, Ermənistan tərəfindən törədilən müharibə cinayətlərinə xas üslubdur, azad edilmiş ərazilərdəki adi qəbiristanlıqlar, məzarlıqlar da minalanıb, insanların sümükləri çıxarılıb, qəbirlərdən qızıl dişlər axtarılıb", - deyə ANAMA nümayəndəsi bildirib.
Onun sözlərinə görə, xüsusilə əraziyə daha yüksək tələfata, daha ağır xəsarətlərə hesablanmış tank əleyhinə minalar döşənib.
